March 27, 2010

  • 熄燈一小時

    熄燈一小時

    星期三，媽媽接了清林放學，習慣去問一問清林：「Ｃ先生有冇特別野要你提媽咪？」（註：因為學校習慣了「人肉手冊」），清林說：「。。。有呀，不如我地星期六七點半熄燈，唔好開燈，我地要整番個地球，個地球我地住既。」原來，Ｃ先生在課堂有討論「熄燈一小時」。

    這幾天，清林周圍去提醒大家要熄燈。每一次都講錯了時間。

    今晚，剛巧我們約了 Joe 伯吃 early dinner，吃過飯才剛剛八時半，趕及回家「熄燈」。

    我們用了三個小 Tea Light 代替開燈。

    熄了燈的一小時，做了甚麼呢？生活如常嗎？

    １。刷牙洗面，媽媽叫清林盡量靠近小蠟燭，都算刷過了。
    ２。換衫。No Problem。
    ３。飲水。除了要估杯內究竟有幾多水，還算ＯＫ。
    ４。讀故事。

    媽媽：好了，可以上床睡覺啦！
    清林：吓？！未讀故事啊！
    媽媽：唔得啊，太黑唔夠光睇書呀！
    清林：唔得，我想讀故事！
    媽媽：聽朝讀番啦！
    清林：唔得，我想讀故事！
    媽媽：咁你又話要去整番個地球，犧牲小小唔讀一晚故事都唔得？
    清林：唔得，我想讀故事！
    媽媽：。。。

    結果，媽媽摸黑拿了一本書讀給清林聽，老實說媽媽真是一隻字想看不見，不過幸好清林的書，媽媽本來就熟到可倒轉來唸。

    ５。Go To Bed。當然ＯＫ！

    攪掂！！！
    咪住。。。

    在床中的清林：我要去 poo poo！
    媽媽：？！

    結果，本以為真的可以完全不開燈一小時，就因為清林要 poo poo，不想摸黑摸到一手Ｃ的媽媽被迫屈服。。。。。