December 22, 2010

• 聖誕小心意

  聖誕小心意

  聖誕節，今年清林想聖誕咭給老師，媽媽提議不如做些小手工，於是就想到做聖誕樹小掛飾，比聖誕咭耐放又環保， needlework 又可訓練清林的小肌肉和專注能力，一舉十得。

  媽媽：你想送俾邊位老師？
  清林：咁緊係 L 先生啦，仲有 C 先生啦，仲有 。。。。

  結果，清林數了全校的所有教職員！

  幸好，清林學校其實不算好大，而媽媽想的造型又非常簡單，大約十分鐘就能完成一隻，不過都真是做了好幾個星期，做到清林眼仔都突埋，希望下次清林不要太博愛了。

  今次清林的小手比之前靈巧了不少，開始掌握了怎樣拿著針。當然有好多蝦碌，一次，清林媽入了廚房十秒，出來時，清林說，「攪掂啦！」，原來她聯了最後一針，還「好有手尾」幫媽媽剪了線。。。不過，清林不知道要打結！！！

  媽媽教清林：「其實你想做Ｄ咩造型都得架，你畫在布上，剪出來，裡面塞入棉花聯好，就得架啦。」

  於是，最後的兩個，「交通燈」聖誕樹和聖誕帽，就由清林親自設計，好有 style。

  

  • 8:08 pm
  • 1 Comment